31Zaboor· Teeja Hissa
خوبیاں اپنی عجائب توں تے رکھیاں ہین چھپا-تیجا حصہ
Khoobiyaan apni ajaaib Tu te rakhiyaan hain chhupa
Praise and Worship\ThanksgivingDr. Imam-Din Shahbaz (1845-1921)
Note:
Verse 1
خوبیاں اپنی عجائب توں تے رکھیاں ہین چھپا
واسطے اوہناں دے جوڑر دے ہین تیتھوں اے خدا
Verse 2
سامنے لوکاں دے اوہناں اُتے کیتا رحم توں
یا ربّا جو تیرے اُتے رکھدے اپنا آسرا
Verse 3
پردے وچ اپنی حضوری دے چھپاندا اوہناں نوں
لوکاں دیاں منصوبیاں تے سازشاں تھوں اے خدا
Verse 4
توں چھپاندا رحم کر کے جھگڑیاں تھوں اوہناں نوں
اپنے تنبوئی دے اندر جتھے رہندا توں سدا
Verse 5
شہر جو محکم ہے اُس وچ رب نے اپنی خوبیاں
مینوں وکھلائیاں بہت، میرا مبارک ہے خدا
Verse 6
ویکھیا جد حال اپنا، بولیا گھبرا کے میں
تیری اکھیاں تھوں خدایا دور ہاں سٹیا گیا
Verse 7
پر جدوں دتی دہائی تیرے وڈے نام دی
سن لئی توں اوسے ویلے میری منت دی صدا
Verse 8
مومنو، رکھو محبت سب یہّواہ پاک نال
راکھا دینداراں دا ہے، مغروراں نوں دیندا سزا
Verse 9
زور پکڑو جو یہّواہ کولوں رکھدے ہو امید
بخشے گا دل نوں تہاڈے خوب مضبوطی خدا
Comments (0)
No comments yet. Tell us how this hymn is sung in your church.