Skip to content

Praise & Worshipحمد و ثنا

27Zaboor· Teeja Hisa(Teeja Wazan)

یہّواہ، اُچی دتی، میں پکاراں گا جدوں تینوں -تیجا حصہ، تیجا وزن

Yahowah, uchi ditti, main pukaran ga jadon tainu

Praise and Worship\ThanksgivingDr. Imam-Din Shahbaz (1845-1921)

Note:

Verse 1

یہّواہ، اُچی دتی، میں پکاراں گا جدوں تینوں

توں سن میری تے رحمت کر، دُعا دا اُر دے مینوں

Verse 2

تسی چہرہ میرا ڈھونڈو، جدوں فرمایا سی ایہہ توں

میں بولیا تد کہ ڈھونڈاں گا، خدایا تیرے چہرے نوں

Verse 3

توں ہویا میرا مددگار، لکا نہ اپنا منہ میتھوں

نہ دھکا دے کے مینوں کڈھ، جو مدد نہیں بن تیتھوں

Verse 4

نہ مینوں چھڈ، نہ رد کر دے، توں میرا مکتی داتا ہیں

میرے ماپیو نے چھڈ دِتا، یہّواہ پالن ہارا ہیں

Verse 5

میرے دشمن بتھیرے ہین، توں اپنا راہ وکھا مینوں

بروبر سدھے رستے تے، یہّواہ ہن چلا مینوں

Verse 6

نہ مینوں چھڈ خداوندا، توں مرضی دشمناں دی تے

کہ جھوٹھے ویری آئے ہین، میرے اُتے گواہ بن کے

Verse 7

تے کیہہ ہندا جے ایہہ اُمید نہ ہوندی خداوندا

جو تیری خوبیاں میں ایسے دھرتی اُتے ویکھاں گا

Verse 8

اُڈیکیں راہ یہّواہ دا، تے اپنے دِل نوں رکھ تگڑا

اوہ تیرے دِل نوں دیوے زور، اُڈیکیں راہ یہّواہ دا

0 people like this hymn

Comments (0)

No comments yet. Tell us how this hymn is sung in your church.