81Zaboor
سن اے میری اُمت میں دساں گا چا- دوجا حصہ
Sun ae meri ummat mein dasaan ga chaa
God calls His people to obey and be blessedDr. Imam-Din Shahbaz (1845-1921)
Note:
Verse 1
سن اے میری اُمت میں دساں گا چا
جے توں اسرائیل میری گل سنیں گا
نہ تیرا ہو کوئی وی دوجا خدا،
کہ جس اگے دیویں توں سر نوں جھکا
Verse 2
مَیں تیرا یہواہ خدا ہاں ہر حال،
جو مصر تھیں تینوں لے آیا نکال
توں اپنا منہ کھول دے تے مَیں وی ضرور،
ہاں برکت نال اوس نوں کراں گا بھرپور
Verse 3
پر اوہناں نے سنی نہ میری صدا،
نہ اسرائیل کیتی کجھ میری پروا
تد چھڈ دتا اوہناں نوں مَیں وچ گمراہ،
تے اوہناں نے پکڑیا مُڑ اپنا ہی راہ
Verse 4
جے لوک میرے سُندے ایہہ میرا کلام،
تے اسرائیل مندا راہ میرا تمام
تد مَیں وی سب اوہناں دے کر کے مغلوب،
ہتھ اپنا پھیر مَیں اوہناں تے خوب
Verse 5
جو ویر رکھ دا دِل وچ یہواہ ناں نال،
ناں رہے گا کدی ہمیشہ خوشحال
پر مومناں نوں کنک نال رجندا خدا،
چٹان وچ شہد کھلاندا خدا
Comments (0)
No comments yet. Tell us how this hymn is sung in your church.