Rab saada saade utte apna reham wakhaawe

Note:

Verse 1

رَب ساڈا ساڈے اُتے اپنا رحم وکھاوے

برکت دیوے چہرہ اپنا ساڈے تے چمکاوے

تیرا راہ اِس دھرتی اُتے یا رَب جاتا جاوے

سب قوماں وِچ تیری مکتی صاف پچھانی جاوے

اے خدا سب لوکی تیری اُستت تے وڈیائی

تیری اُستت تیری مہماں گاوے سب لوکائی

ساری قوماں آپس اندر خوشی مناون تیری

خوشیاں دے وِچ لہراں دے نال اُستت گاون تیری

کیوں جو لوکاں دی عدالت تُوئیں آپ چکاویں

دھرتی اُپر اُمتاں نوں تُوئیں راہ وکھلاویں

اے خدا لوک گاون تیری اُستت تے وڈیائی

تیری اُستت تیری مہماں گاوے سب لوکائی

ہووے گی ہُن دھرتی اُتے پیداوار بتھیری

سانوں دیوے گا رَب ساڈا برکت آپ گھنیری

برکت دیوے گا رَب ساڈا دھرتی دے کنارے

کمّبن گے سب لوک خدا تھوں مَنّن گے ڈر سارے

0 people like this hymn

No comments yet. Tell us how this hymn is sung in your church.